El pasáu 17 de xineru cumplieronse los 10 años d'aquella intervención multinacional escontra Irak conocida n'ocidente como "Tormenta del Desiertu".
Dempués de 40 dies de bombardeos por tierra, mar y aire, cuntáronse un númberu cercano a 300.000 víctimes. Arrasose de pasu la infraestructura civil del pais: carreteres y pontes, depósitos d'agua, centrales eléctriques, refineries, fábriques, istalaciones industriales de toa triba ... La evolución final, a cargo de Naciones Unies, conseñaron unes pérdides de más de 22 mil millones de dólares: la ruina del
país.
Pero inda hebo más. Les 300 tonelades d'escarrapios d'uraniu emprobecíu bombiaos sobre Irak dexaben tres de sí una nueva plaga. Causante del nomao síndrome de la Guerra del Golfu, nos veteranos norteamericanos y europeos, supuso pa la población la duplicación de les tases de leucemia nos neños, malformaciones conxénites y otres enfermedaes, especialmente nel sur del
país.
La agresión escontra Irak foi'l primer episodiu d'aplicación del denominao "Nuevo Orden Mundial" baxo'l mandu de los Estaos Xunios. A 10 años d'aquella guerra, siguiose imponiendo a Irak un embargu que supuso más d'ún millón y mediu de civiles muertos y se ataca tolos dies a la población por parte del exércitu d'Estaos Xunios y Gran Bretaña.
Pese a que Irak acoye nel so soterranu les segundes reserves petrolífiques del planeta, los daños enxendraos durante la guerra y los años de sanciones fundieron a la so población na probitú y el descuayu. Según Naciones Unies, Irak paso de ser un pais con un desendolque medio a situase nel puestu 42 de los 77 más probes del mundiu. Dellos datos meten mieu:
El PIB apoqueciose al nivel de 1949, enantes del entamu de les esportaciones de petroleo. La renta per cápita yera en 1989 de 3.508 dólares, güei ye de 252 dólares.
El paro afecta a más del 50% de la población activa. El 60% de les fábriques pesllaron y el restu furrula al 10% de la so capacidá.
1 dinar iraquí cuerrespuende en 1990 a 3 dólares; güei, 1 dólar son 1.800 dinares. La inflación, que llegó a algamar cuatro numberos, foi del 140% en 1999.
Más de la metá de la población vive per debaxo del nivel de la probeza, más de 4 millones y mediu de persones na pior probeza.
Solo'l 44% de la población tien acesu a agua potable (en 1990, el 92%). Ello favorez l'esparder de les enfermedaes que pueden infestar que combinaes col mal comer provoquen una mentalidá en menores de 5 años de 5.000 neños al mes.
El mal comer de la infancia ye comparatible a la del Africa Subsahariana: afecta a más del 60% de los neños y de les neñes.
La esperanza de vida apoquecio de 66 a 57 años.
Nun allugamientu como'l cuntao, oblígase a Irak a destinar más dinero al pago de les indemnizaciones pola Guerra del Golfu que a mercar productos humanos amuesando que les medies adoptaes pol Conseyu de Seguridá de la ONU pa alliviar l'allugamientu del pueblu son ineficaces dafechu. Les dimisiones de los cordinadores del programa "petroleo por alimentos" Fennis J. Halliday (1998) y Hans von Sponeck (2000) son una evidencia del albortu del programa.
Un pueblu entero vive na más total desesperación y abandonu, víctimes d'un nuevu orden mundial apavoriador. Finar coles condergues y pechar a la recuperación del
país ye una obligación moral forzosa.