Nos tiempos que cuerren una de les característiques de la política oficial ye'l contrasentíu ente les declaraciones d'asomu y de los resultaos margüetos. Caracteriza a les primeres les pallabres grandones, el vocabulariu grandioso, mentanto la realidá amuesanos un rostru de desfaimientu y muerte.
Nos caberos años tamos asistiendo a intervenciones militares n'Irak, Bosnia o Kosovo desplicaes en nome de la ONU y la llei d'inxerencia humana. El tiempu reveló que se trata namai que de xustificaciones pa telespectadores babayos.
Les condergues a la población iraquí o les consecuencies del usu d'armamentu con uraniu emprobecíu amuesen lo poco que importen los pueblos a los xestores políticos y militares de la globalización.-
ANTERIOR
SIGUIENTE