Xuan Xosé Sánchez Vicente
Presidente del Partíu Asturianista (PAS)
El primer parlamentariu de la Xunta Xeneral qu'abre una direición d'email pa recibir personalmente les tos idees, les tos suxerencies, crítiques, felicitaciones....
Xuan Xosé, Casáu y con tres fíos, nacíu en Xixón el 1 de febreru de 1949, llicencióse en Filoloxía Románica pola Universidá d'Uviéu.
A los veinticuatru años algamó una cátedra de llingua y lliteratura.
Actualmente da clase nel Institutu El Piles, de Xixón.
Ye entamador del Surdimientu Asturianu, cola fundación de Conceyu Bable, y miembru de l'Academia la Llingua Asturiana dende la so fundación.
Dende 1974 participa activamente en política siendo conceyal, diputáu y miembru del Conseyu Rexonal d'Asturies a partir de les eleciones de 1979.
Presidente de delles entidaes y comisiones de calter cultural nestos organismos, empobinó dalgunes actuaciones como l'apertura de La Cuevona (Ribesella) y del Muséu de Belles Artes d'Asturies (Uviéu), asina como la promoción d'otres xeres culturales, tala la Orquesta Sinfónica d'Asturies.
Al términu del so mandatu, en 1983 abandona voluntariamente toa estaya política.
En 1986 funda'l Partíu Asturianista (PAS), del que ye presidente dende l'entamu.
Dende 1991 ye diputáu nel Parlamentu Asturianu pol Partíu Asturianista..
Tien publicados hasta agora veinte llibros, tres de poesía, cuatru d'ediciones de clásicos asturianos, dos de teatru, una novela, cuatru d'ensayu y estudiu, dos diccionarios y cinco volúmenes (dos a comuña) de narración.
Ye autor, asinamesmu, de cientos d'artículos d'investigación y de collaboraciones polítiques y lliteraries en periódicos y revistes especializaes.
versión en castellan
pa dir al entamu